Perlë e fshehur e natyrës dhe kulturës
Kanioni i Cemit përfaqëson një nga zonat e mbrojtura më të vlefshme në Mal të Zi. Shkëmbinjtë mbresëlënës, flora dhe fauna e pasur, trashëgimia kulturore dhe peizazhet autentike e bëjnë këtë zonë një hapësirë unike për kërkim, edukim dhe zhvillim të qëndrueshëm.
NATYRA
Kanioni i Cemit është një zonë me biodiversitet të jashtëzakonshëm. Karakterizohet nga shkallë e lartë endemizmi, prania e bimëve relikte dhe endemike, si dhe habitate të larmishme që përfaqësojnë një refugjium të rëndësishëm për shumë lloje bimore dhe shtazore.
KULTURA
Një rrugë e dikurshme tregtare që lidhte Lindjen dhe Perëndimin kalonte pikërisht nëpër Kanionin e Cemit. Për shekuj me radhë nëpër këtë rrugë kalonin tregtarë, udhëtarë dhe karvane, duke bartur mallra, ide dhe kulturë. Sot gjurmët e saj përfaqësojnë një pjesë të vlefshme të trashëgimisë kulturore-historike të kësaj zone.
Njerëzit
Zona e Kanionit të Cemit është banuar prej shekujsh nga njerëz që kanë jetuar në harmoni me natyrën dhe kanë shfrytëzuar pozitën e tij të rëndësishme për tregti dhe lidhjen e krahinave të ndryshme. Tradita, zakonet dhe mikpritja e tyre edhe sot përfaqësojnë një pjesë të rëndësishme të identitetit të kësaj hapësire.
KBA
IBA
IPA
EMERALD
NATURA 2000
UNESCO MAB
EVROPSKI ZELENI POJAS – GREEN BELT
Njihuni me Kanionin e Cemit përmes biodiversitetit
Masnica me lule të dendura (Pinguicula hirtiflora)
Bimë insektngrënëse shumë e rrallë që jeton në habitate të lagështa dhe të ndjeshme të kanionit.
Lundrëza (Lutra lutra)
Tregues i ekosistemeve lumore të ruajtura dhe i ujërave të pastra të Cemit.
Lisi i valonisë (Querqus illex)
Simbol i ndikimit mesdhetar dhe i pasurisë së botës bimore.
Dhia e egër (Rupicarpa rupicarpa)
Rupicapra rupicapra | Simbol i natyrës së egër dhe i shkëmbinjve të pakalueshëm të Kanionit të Cemit.
Bufi i madh (Bubo bubo)
Bufi më i madh në Evropë dhe një nga simbolet e natyrës së ruajtur të kanionit.
ECJE MALORE
Eksploroni Kanionin e Cemit përmes shtigjeve që kalojnë nëpër peizazhet e tij mbresëlënëse, fshatrat tradicionale dhe pikat panoramike nga të cilat shtrihen pamje mbi kanionin dhe malet përreth. Nga shëtitjet e lehta deri te shtigjet më kërkuese malore, Cemi ofron mundësi për nivele të ndryshme përvoje.
PACKRAFTING DHE KAJAKIM
Përjetojeni Cemin nga një këndvështrim krejtësisht ndryshe – nga vetë lumi. Packrafting-u dhe kajakimi ofrojnë një mundësi unike për të kaluar nëpër pjesë të kanionit që janë të vështira për t’u arritur nga toka dhe për t’u përballur nga afër me peizazhet e tij të egra, ujin kristal të pastër dhe shkëmbinjtë e pjerrët.
ÇIKLIZËM
Zbuloni Malesinë dhe Kanionin e Cemit me biçikletë. Rrugët e çiklizmit lidhin kanionin me fshatrat tradicionale, pikat panoramike dhe zonat malore, duke ofruar mundësi për të eksploruar territorin më të gjerë dhe vlerat e tij natyrore e kulturore.
VËZHGIMI I SHPENDËVE
Kanioni i Cemit dhe rrethina e tij përfaqësojnë një habitat të rëndësishëm për shumë lloje shpendësh. Shkëmbinjtë, pyjet, terrenet shkëmbore dhe habitatet lumore e bëjnë këtë zonë veçanërisht interesante për vëzhgimin e shpendëve dhe njohjen e pasurisë së saj të gjallë.
LAJME
Më të rejat
Media
Refugjat i biodiversitetit dhe hapësirë për kërkime
CEPF je zajednička inicijativa CEPF është një iniciativë e përbashkët e Agjencisë Franceze për Zhvillim (Agence Française de Développement – AFD), Conservation International, Bashkimit Evropian, Fondation Franklinia, Fondation Hans Wilsdorf, Fondit Global për Mjedisin (GEF), Qeverisë së Kanadasë, Qeverisë së Japonisë, Fondacionit Hempel, organizatës The Nature Conservancy dhe Bankës Botërore. Një nga qëllimet kryesore të CEPF është të sigurojë përfshirjen aktive të shoqërisë civile në ruajtjen e biodiversitetit.
Monumenti i natyrës Kanioni i Cemit
Lidhje
Kontakti
