Parqet e Dinarideve – Rrjeti i zonave të mbrojtura të Dinarideve, në bashkëpunim me menaxhuesin e Monumentit të Natyrës Kanioni i Cemit, organizuan punëtorinë e dytë në kuadër të procesit të hartimit të Planit Pesëvjeçar të Menaxhimit për këtë zonë të mbrojtur.
Punëtoria mblodhi përfaqësues të institucioneve kompetente, vetëqeverisjes lokale dhe sektorit joqeveritar, me synim identifikimin e presioneve mbi vlerat natyrore të Monumentit të Natyrës Kanioni i Cemit, si dhe të shkaqeve që çojnë në krijimin e tyre. Gjatë punëtorisë u hartëzuan gjithashtu institucionet kryesore që duhet të përfshihen dhe me të cilat duhet të ekzistojë bashkëpunim dhe koordinim i ngushtë, në mënyrë që të sigurohet menaxhim adekuat i kësaj zone.
Punëtoria e tretë është planifikuar për shtator, kur do të punohet në hartimin e Planit të Veprimit.
Nëpërmjet procesit të hartimit të Planit të Menaxhimit, ekipin e udhëheq kolegu Marko Pećarević, duke zbatuar metodologjinë e Standardeve të Hapura për Ruajtjen e Natyrës (Open Conservation Standards) dhe qasjen ekosistemike ndaj planifikimit. Kjo mënyrë pune kontribuon në forcimin e kapaciteteve të menaxhuesit të zonës së mbrojtur, si dhe të të gjithë aktorëve të përfshirë në procesin e planifikimit dhe vendimmarrjes.
Hartimi i Planit të Menaxhimit është pjesë e projektit më të gjerë „Kontribut në menaxhimin më efikas të Monumentit të Natyrës Kanioni i Cemit – Faza II“, që synon përmirësimin e menaxhimit të kësaj zone të mbrojtur përmes mbështetjes së drejtpërdrejtë për menaxhuesin, forcimit të kapaciteteve institucionale dhe përmirësimit të proceseve të planifikimit dhe mbrojtjes së vlerave natyrore.
Projekti realizohet me mbështetjen financiare të Partnerskiti të Ekosistemeve Kritike (CEPF).
